文:MenClub 艾力克  
POSTED ON 29 Apr 2021

當紅寫真女星多不勝數,但就無幾多個可以好似「大原優乃」咁唱得又演得,做過歌手、上過紅白、仲拍埋日劇。佢上年就喺日劇《搖曳露營△》扮演熱愛露營女高中生而人氣急升,最近第二季都開播咗啦,鍾意行山露營嘅你又睇咗未呢?

今年21歲嘅「大原優乃」喺2009年加入青少年歌舞團體「Dream5」出道,該團曾經喺2014年演唱《妖怪手錶》主題曲而上過紅白歌唱大賽。隨著「Dream5」解散,「大原優乃」變成單飛發展,起初都係做下時尚雜誌Model同埋客串下日劇。直到2017以17歲之齡加入寫真界一炮而紅,接Job接到手軟,2018期間總共上過37次雜誌封面,首本個人寫真集未開賣就已經登上Amazon預售榜冠軍。

「大原優乃」身高雖然只得154cm,但就擁有F Cup豐滿上圍,差唔多拍親寫真都會以水着造形大方展示誘人肉感身材,深受粉絲歡迎。近年佢就從寫真界走紅到演藝界,2019年出演日劇《3年A班》後人氣有增無減,接著就出演《都立水商!〜令和〜》、《搖曳露營△》等知名日劇。未知佢會唔會同其他人氣寫真女星一樣,喺演藝界紅咗就淡出寫真界,希望日後仲有機會見到佢嘅寫真作品啦。

資料來源:twitter@Yuno__officialinstagram@yuno_ohara