文:MenClub 魏文青  
POSTED ON 22 Jan 2021

喺未有各種多媒體娛樂嘅年代,一男一女瞓喺同一張床到可以做啲咩?做愛囉!但自從電視、電腦甚至電話都有無限咁多嘢睇嘅時候,情侶同床瞓覺各自修行嘅情況就變得越黎越嚴重,根據英國一個研究,大家沉迷使用電話嘅習慣更加會大大影響性愛嘅質素!

くりえみ

英國Durham University早前公佈一個小型研究,訪問30對情侶平時使用手提電話、與伴侶做愛及性生活被玩電子產品影響嘅程度。結果就發現,有近4成受訪者表示曾經因為想繼續玩電話、平板而拖延與伴侶做愛,當中更有部份人直認就算有做都只係儘快交功課,渣渣聲搞掂繼續碌電話。更有三份一人指,曾經於做愛途中停低去聽電話。諗都諗到成個性愛過程有幾咁冇癮。

青科まき

另一個澳洲研究就發現,受訪者平均每日用3個鐘15分鐘電話,但做愛嘅時間就只有5分鐘,而且一個星期只有兩次。換言之一個禮拜計落就係24個鐘黎玩電話、10分鐘黎做愛,明顯地係忽視咗後者。所以,如果想與伴侶享受更好嘅性生活,或者要考慮下將部電話放遠啲張床啦!

資料來源:nzherald