文:MenClub Mean娜  圖:互聯網
POSTED ON 30 Jan 2018

唔少女女睇韓劇時除咗沉迷於韓國男星精緻嘅樣貌之外,仲好鍾意J佢哋嘅Body,樣就話有得整,但身型就真係要靠自己去鍛鍊!而家旺角就開咗個全港首間24小時韓式健身中心4ward Fitness,有韓籍星級得獎模特兒教練金龍植帶埋韓國健身界專業團隊親臨香港做顧問及監督,想操到韓仔咁大隻,絕對冇難度!


4ward Fitness獨家引入全球領先健身智能訓練模式HOLOFIT,所謂HOLOFIT,其實係通過地面及牆身多塊LED屏幕及聲光控制系統,以軟體程式做出多個不同主題畫面及競賽模式,多方面提供成套針對性多媒體訓練課程,例如韓風Kpop及Tae Bo課程,做Gym時都更有趣味。


至於全亞洲首創LED 4D Spinning課堂及拳擊訓練,就可以令學員好似置身光影隧道,比賽過程中更有風效增加真實感,減少訓練時嘅刻板感覺,啱晒想做Gym但又怕悶嘅巴打!