POSTED ON 15 Jun 2021
| 【跨界雪櫃】微軟Xbox E3遊戲展壓軸鉅獻隆重推出Xbox Mini Fridge雪櫃年底量產銷售 | |
 Xbox認真做雪櫃，微軟今年 E3 遊戲展 Xbox & Bethesda Games Showcase 壓軸中壓軸，正式宣布 Xbox 迷你雪櫃（Xbox Mini Fridge）將於 2021 年底正式量產推出。之前呢個玩笑已經開左好耐，話說最初因為Xbox Series X 展出時被取笑好似雪櫃，結果微軟迎合大家期望並公開指出如果微軟係Twitter網上第一屆品牌世界盃成功贏出就會推出迷你雪櫃。結果真係成功將雪櫃推到變冠軍，微軟而家就兌現找數，年底大家就買到雪櫃！  呢個因應找數隆重推出的雪櫃仔命名「Xbox Mini Fridge」，外觀同 Xbox Series X一樣尺寸估計同樣係高 32厘米，底面則是 15×15 厘米的正方形。作為迷理版本雪櫃，目測大概可以放到10 罐普通裝啤酒汽水。將佢擺放喺公司pantry 將會十分合適。微軟強調，Xbox Mini Fridge將會係世界上最強的小型雪櫃，暫時我哋無法得知呢個雪櫃強大係邊度，但原來這個雪櫃仔並非傳統求其一個雪櫃，係有設計運用 Xbox 主機上的垂直風道散熱技術，能夠令其以高效率降溫，又可以保持寧靜，對於要放在辦公室座位附近的玩家來講，將會係非常重要的優點。     |
|
