文:MenClub 艾力克  
POSTED ON 08 Apr 2021

一直以嚟美國都係最多億萬富豪嘅國家,近年中國開始逐漸趕上。根據《福布斯》最新全球億萬富豪排行榜顯示,北京首次超越紐約,成為最多億萬富豪城市。報告亦提到,即使疫情打亂全球經濟,但億萬富豪榜人數仍然破記錄,共有2755人上榜,比上年增加660人,當中更有493人係新上榜。

美國仍然係最多億萬富豪嘅國家,中國想超越嘅話就要加把勁。(圖片截自:forbes

根據《福布斯》統計,北京喺2020年新增33位億萬富豪,總共有100位,而紐約市只新增7位億萬富豪,總共有99位。北京以1位之差超越紐約市,成為世上最多億萬富豪城市。不過以人口基數嚟睇,紐約市得840萬人,只有北京人口嘅40%。

字節跳動(ByteDance)創辦人張一嗚。

現時北京首富係抖音(TikTok)母公司字節跳動(ByteDance)創辦人張一嗚,身家高達356億美元。

農夫山泉董事長鍾睒睒。

而農夫山泉董事長鍾睒睒則以689億美元排行第13位,成為亞洲及中國首富。騰訊主席馬化騰則以658億美元排第15位,而大家最關心嘅馬雲就以390億美元排第35位。

FTX 創辦人Sam Bankman-Fried。

至於香港方面,李嘉誠以337億美元繼續蟬聯香港首富,亦有兩位30歲都唔夠嘅年輕富豪新上榜。分別係帝國集團已故創辦人郭炳湘兒子郭基浩,以及出生美國三藩市,畢業於MIT嘅FTX 創辦人Sam Bankman-Fried。

資料來源:forbes