文:MenClub 波特先生  圖:互聯網
POSTED ON 16 Mar 2021

美斯以往一向比人嘅感覺都係比較靜,好似好少見到佢喺場上發火,場下就更加係,當然近年情況開始有啲唔同,但都係好少見佢會憤怒。不過近日就有一條片睇到美斯竟然喺場下爆炸,而令佢發火嘅竟然係球迷。

影片中可以睇到,美斯正喺度揸緊車,但卻被大批球迷圍住並用手機對佢左拍右拍,隨即引起美斯極度不滿,甚至挑起佢嘅情緒。

據了解,呢班喺咁影美斯嘅球迷已經多次喺呢個位置捕呢位球星,並每一次都係喺咁影佢,而今次終於引爆美斯,呢位巴塞巨星大聲訓斥球迷:「呢啲影片已經影過好多,不斷拍有什麼意思?係咪正常?」

而被訓斥嘅球迷亦都好聽話同知錯,紛紛向美斯道歉。不過消息指呢班球迷日日如是,就係影下球星開車經過,然後分享上社交平台呃下Like咁,唔好話美斯我諗連並他球迷都覺得無聊啦,不如搵班球星簽下名仲實際啦。